Aldundiaren Logoa

Foru Aldundia - Diputación Foral

Harremana

GUFE Gizarte Urgazpenerako Foru Erakundea

GUFEren logoa

Errekaldek Euskal-jaia antolatu du eta bertan Urduņak, Lusak, Zubietek, Bekoetxek, Lurgorrik eta Zumelegik ere hartu dute parte

2013/06/14

Hasteko, Errekaldeko neska-mutilek gainontzeko zentroei harrera egin zieten txalaparta doinuez.

Erreferentziazko Eskualde-Zentroak Iraupen Luzeko Zaintzetarako Trantsizio Planean Bizkaian abian jarritako 4 proiektu eragileetako bat dira. Ardatz estrategiko honen aurrerapena Osasun Saila, Osakidetza eta Bizkaiko Foru Aldundia inplikatzen dituen lankidetzarako esparru-protokolo baten bidez gauzatzen ari da. Birjinetxeren kasuan Gizarte Ekintza Saileko eta Osasun Saileko profesionalek Santa Marina Ospitalearen eta Bilbo-Basurtu ESIaren parte-hartzearekin egiten dute lan. Bizkaiak, beste 5 euskal entitaterekin batera, Quality Innovation Award-QIA 2023 edizioak dituen 24 aintzatespenetako bat jasoko du apirilaren 10ean Zhuhain, Txinan, egingo den ekitaldian. Sarien nazioarteko fasean mundu osoko beste 562 erakunderekin lehiatu dira.

Bizkaiko Foru Aldundiak Quality Innovation Award 2023 Berrikuntzaren Nazioarteko Saria jasoko du apirilaren 10ean, Zhuhain, Txinan. Gizarte Ekintza Sailak Prize saria jasoko du Sektore Publikoaren kategorian, "Erreferentziazko Eskualde-Zentroetan oinarrituta egoitza-zentroetako arretarako koordinazio soziosanitarioko proiektuaren bidez iraupen luzeko zaintzetan eman duen erantzun berritzaileagatik". Nazioarteko epaimahaiak azpimarratu du erreferentziazko eskualde-zentroen proiektuak, hala nola Bilboko 26 egoitzari laguntza espezializatua emanez dagoeneko martxan dagoen Birjinetxe, "erantzun berria eskaintzen du behar soziosanitarioak dituzten pertsonei arreta emateko, osasun-sistemen eta gizarte-zerbitzuen arteko lankidetzan oinarrituta eta Iraupen Luzeko Zainketen testuinguruan".

Bizkaiko Foru Aldundiarekin batera, beste bost euskal erakundek (Zunibal, Mondragon Team Academy, Zola Sistemas eta Ludus Tech) jasoko dute Berrikuntzaren Nazioarteko Saria. Gainera, beste bi erakunde, Ibermática an Ayesa eta Biobizkaia Osasun Ikerketa Institutua, finalistak izan dira. Horiek guztiak parte hartu duten gainerako herrialdeetako beste 562 erakunderekin lehiatu dira eta ematen diren 24 aintzatespenetatik 6 lortu dituzte.

Lehiaketa honek herrialde parte-hartzaileetako erakundeen lehiakortasuna handitzen lagundu nahi du, eta hori bi faseren bidez egiten da: bata tokikoa eta bestea nazioartekoa. Tokiko fasean, EUSKALITeko Kudeaketa Aurreratuko Ebaluazio Klubeko 30 pertsonako taldeak 40 hautagaitza baino gehiago ebaluatu zituen, eta UNIBASQek, Euskal Unibertsitate Sistemako Kalitate Agentziak, identifikatutako berrikuntzako adituen talde batek kategoria bakoitzeko finalistak aukeratzen lagundu zuen. Azkenik, EUSKALITeko Patronatuko erakundeetako ordezkariek, Innobasquek eta IHOBEk, osatutako epaimahaiak euskal faseko hautagaiak aukeratu zituen.

Sari hau Finlandian sortu zen, produktu-, prozesu-, antolaketa-berrikuntzen eta abarren sorrera eta garapena sustatzeko; sarian Espainia (CEX elkartearen eta Euskal Autonomia Erkidegoan EUSKALITen bidez), Suedia, Txekiar Errepublika, Estonia, Hungaria, Lituania, Letonia, Errusia, Serbia, Txina, India, Israel, Kazakhstan eta Afrikako hegoaldeko hainbat herrialdek parte hartzen dute. Gaur egun Txina da presidentea, eta Euskadik, EUSKALITen bitartez, Aholku Batzordean parte hartzen du.

Erreferentziazko Eskualde-Zentro bat Bizkaiko Gizarte-Zerbitzuen sektore bakoitzerako

Bizkaiko Foru Aldundia aurrera egiten ari da Iraupen Luzeko Zainketen Trantsiziorako Plana hedatzen. Iraupen luzeko zainketen eraldaketa bultzatzeko planaren lau ardatz eragileetako bat erreferentziazko eskualde-zentroak abian jartzea da. Zentro horiek ospitaleko egonaldiaren osteko errekuperazio-/errehabilitazio-egonaldietarako baliabide espezializatuak dituzten plaza soziosanitarioez gain, zentro horietan laguntza espezializatuko diziplina anitzeko talde batek egiten du lan. Ekipo hori egoitza-zentroetan hainbat laguntza-prozesu ezartzeko aholkularitza- eta laguntza-lanetan dedikazio osoa duten profesionalek osatzen dute.

Martxan jarritako lehenengo zentroak, Birjinetxek, 100 plaza soziosanitario ditu, eta diziplina anitzeko taldeak laguntza ematen die inguruko hogeita hamar bat egoitzari Bilbon.

Ardatz estrategiko honen aurrerapena Osasun Sistema (Erakunde Sanitario Integratuen (ESI), Santa Marina Ospitalearenbitartez) eta  Bizkaiko Foru Aldundia inplikatzen dituen lankidetzarako esparru-protokolo baten bidez gauzatzen ari da.  Kasu honetan Gizarte Ekintza Saileko eta Osasun Saileko profesionalek Santa Marina Ospitalearen eta Bilbo-Basurtu ESIaren parte-hartzearekin lan egiten dute proiektu honetan.

Birjinetxeren arrastoari jarraituz, Gizarte Urgazpenerako Foru Erakundearen (GUFE) Leioako egoitzak Uriberako Erreferentziazko Eskualde-Zentroa hartuko du. Eraikinaren lehen solairua 25 plazako unitate soziosanitario bihurtzeko obrak udaberri honetan hasiko dira. Diziplina anitzeko laguntza-taldea jarduera-ildo guztiak lantzen hasi da inguruko hogei bat egoitzarekin.Iraupen luzeko zaintzetan trantsizioa bultzatzeko foru planeko Erreferentziazko Eskualde-Zentroen trakzio-proiektua Bizkaiko Gizarte Zerbitzuetako gainerako Sektoreetan (Barrualdea eta Enkarterri-Ezkerraldea) hedatuko da etorkizunean.

Argibide gehiago dokumentuan

Itzuli

© 2024 GUFE